COLUM seu COLATORIUM

COLUM seu COLATORIUM

in Ecclesia Romana accensetur vulgo sacris ministeriis, estque vasculum quoddam subtilissimis foraminibus ab imo fundo perforatum, per quod vinum in Missae, ut vocant, sacrificio, ex amulis in calicem refundi consuevit. Ordo Roman. Archidiaconus sumit amulam Pontificis cum vino de Subdiacono et refundit super colum in calicem. Infra, Archidiaconus ---- accipiens Calicem ab Acolyto Archidiacono apportet vinum per colum, quod sinistra manu Romanus Ordo Archidiaconum auriculari digitô ferre iubet purgandum. Quod utique vas in id opus ex aliquo metallo formatum, in medio sui plurima quasi acus foramina, ad excolandum vinum, ostendit et illud Archidiaconus per totum Missae officium in sinistra manu, illô quo praediximus digitô, annulô suspensum portaturus est, apud Macrum.